إتكلم

إتكلم - وليد توفيق

و إتكلم…

أصل الكلام مش بفلوس..و لا عليه جمرك…

و خدت ايه من السكوت..غير هم طول عمرك…

قلت السكوت من دهب..طب قولى فين دهبك…؟

و إتكلم…

فاكر إن صوتك جنون..و الكلمة فيها الموت…

طب قولى فين هى الحياة..جوه قبر السكوت…

كسر فى مرة قيودك..و اصرخ بأعلى الصوت…

و إتكلم…

عايش تعد الحروف..قايس الكلام بمقاس…

بخيل حتى فى سطورك..خايف أوى عالناس..

ما تسيب فى مرة لسانك..ماهو بردو ليه إحساس…

و إتكلم…

أكيد مش أنت الملك..ولا انت رب الكون…

ولا كلمتك زلزال..و لا هى كن فيكون…

بس كلامك هيفرق..يردم بحر السكون…

و إتكلم…

آخر كلامى معاك..أعرفك أنا مين…

أنا الكلام اللى مات..جواك بقاله سنين…

راجع انهارده للحياة..و مش هأعيش مسجون…

راجع انهارده عشان أقولك…

إتكلم..إتكلم..إتكلم…..

خلاص..كفاية سكوت…

تعليق واحد على

اترك رد